24 ناۋرىزدا كوروناۆيرۋسپەن تىركەلگەن ايەل دارىگەرگە ءوزى جۇگىنگەن، دەپ حابارلايدى Qamshy.kz اقپارات اگەنتتىگى قازاقستانداعى كوروناۆيرۋس جاعدايى بويىنشا رەسمي سايت دەرەگىنە سۇيەنىپ.
دالىرەك ايتقاندا، شەتەلگە دە شىقپاعان قازاقستاندىق ايەل ءوزىن ناشار سەزىنگەن سوڭ دارىگەرگە جۇگىنگەن.
"21 ناۋرىزدان باستاپ ايەلدىڭ دەنە قىزۋى كوتەرىلىپ جۇرگەن. سودان كەلەسى كۇنى ول ينفەكسيالىق ستاسيونارعا جاتقىزىلعان. ال 24 ناۋرىزدا ونىڭ كوروناۆيرۋس جۇقتىرعانى بەلگىلى بولدى" دەپ حابارلايدى قازاقستانداعى كوروناۆيرۋس جاعدايى بويىنشا رەسمي سايت.
ال تاعى ءبىر ناۋقاس 22 ناۋرىزدا لوندوننان مينسك-نۇر-سۇلتان رەيسىمەن كەلگەن. ول بىردەن كارانتيندىك ستاسيونارعا وقشاۋلاندى. كەيىن دياگنوز ناتيجەلەرى ۇشىپ كەلۋشىنىڭ ۆيرۋس جۇقتىرعانىن راستاعان. ارتىنشا ونى جۇقپالى اۋرۋلار اۋرۋحاناسىنا جەتكىزگەن.
"شاعىم جوق، كلينيكالىق بەلگىلەرى جوق، دەنە قىزۋى قالىپتى. ونىمەن بايلانىسقا تۇسكەندەر ينفەكسيالىق ستاسيونارعا جاتقىزىلدى. قازىرگى ۋاقىتتا ۇشاق بورتىندا جاقىن قارىم-قاتىناستى انىقتاۋ جۇمىستارى جۇرگىزىلۋدە" دەپ حابارلايدى سايت.
انىقتالعانداي، 24 ناۋرىزدا ساعات 12:00-دە قازاقستان بويىنشا اۋىرعاندار سانى 68 ادامعا جەتتى.
وقي وتىرىڭىز: "كوروناۆيرۋس جۇقتىرعان ادامداردىڭ سانى كۇرت ۇلعاياتىن ۋاقىت ءالى الدا": رەسمي وكىل بولجام ايتتى
پىكىر قالدىرۋ